Отандық жаңа өндіріс

2025 жылғы 2 шілдеде Қазақстан Республикасының минералдық шикізатты кешенді қайта өңдеу жөніндегі ұлттық орталығы (бұдан әрі- ҚР МШКҚӨҰО) үшін естеқаларлықтай лайықты оқиға болды. Бұл күні кремнийкөміртекті композитті шығару өндірісі іске қосылды. Жобаның бірегейлігі жаңартылатын өсімдік шикізатын пайдалану мен авторлардың оны өңдеуге деген көзқарастарында.

Қондырғы қайталама ресурстар – күріш өңдеу қалдықтарымен жұмыс істейді. Өндірісті құрудан бұрын ұзақ ғылыми зерттеулер жұргізілді. 2004 жылдан бастап (дәл осы кезеңнен бастап ҚР МШКҚӨҰО-да күріш қабығын кәдеге жарату бойынша дербес ғылыми бағыт қалыптасты) өнеркәсіп пен ауыл шаруашылығының әртүрлі салаларында көп тонналық қалдықтарды өңдеу және кремнийкөміртекті өнімін қолдану саласында 15-тен астам өнертабыстарға патент алынды.

ҚР МШКҚӨҰР басшылығы жаңа өнеркәсіп объектісінің әрбір торабының жұмысымен мұқият тиянақты танысты. Маңызды қадам жасалды – өндіріс іске қосылды, бірақ жауапты міндеттер әлі алда. Жобалық қуатына шығару (жылына 1500 тонна кремнийкөміртегі), өнім өндіру, нарыққа шығу. Қазіргі уақытта тұрақты өз орныңды табу өте қиын екені белгілі. Алайда, ҚР МШКҚӨҰО мамандары жоғары әлеуетті қажеттілігі бар отандық өнім импорттық аналогтармен бәсекелестікке төтеп бере алатынына сенімді.

Кремнийкөміртекті композитті қолдану ауқымы кең. Өндірушілер ставканы резеңке-техникалық бұйымдар шығаруға қойп отыр. Толтырғыш ретінде кремнийкөмітекті материал резеңкенің қаттылығы мен беріктігін арттырады. Дәл осы салада ғалымдар өз орнын табуды жоспарлап отыр.

Қазақстандық жаңа өндіріс «Ғылым қоры» АҚ қолдауымен ұйымдастырылды.