Шығыс Қазақстан облысында (ШҚО) "Шығыс Қазақстан облысындағы металлургия орталығы" тәжірибелік-эксперименттік кешені (ЭҮК) пайдалануға беріледі, оның Қазақстанда баламасы жоқ, деп хабарлады ҚазТАГ.
«Металлургия орталығында біз минералды шикізатты байытудың, ұсақтау-сұрыптау процестерінің, сусымалы материалдарды қалыптастырудың және ұнтақты металлургияның жаңа технологияларының технологиялық регламенттерін әзірлеу үшін аз тоннажды сынақтар жүргізетін боламыз», — деді ҚазТАГ тілшісіне ЭҮК директорының орынбасары Айдархан Қалдасов жұма күні.
Оның айтуынша, қайта өңдеу процесінде жылу электр орталықтарының және металлургия кәсіпорындарының қалдықтары пайдаланылады, сондай-ақ отқа төзімді материалдар, кокс, күлден жасалған кірпіш және басқа да өнімдерді өндіру технологиялары пысықталады.
Металлургия орталығының жұмысы үшін, атап айтқанда, көмірді және құрамында көмірі бар материалдарды өңдеу технологиясын әзірлеу бойынша учаске қызметі үшін Германиядан LAEIS-1600 гидравликалық пресс сатып алынды. Өнімдердің алғашқы тәжірибелік партиясын мамыр айында шығару жоспарлануда.
Орталықтың екінші учаскесі сусымалы материалдар мен ұнтақты металлургияны қалыптастыру технологиясын пысықтауға арналған.
ЭҮК-тің негізгі мақсаты — «Қазақстан және басқа елдердің ғалымдары әзірлеген технологияларды пысықтау бойынша зерттеулер мен эксперименттер жүргізу үшін тәжірибелік-эксперименттік база құру». Сондай-ақ тау-кен металлургиялық, энергетикалық және инжинирингтік компаниялармен, жер қойнауын пайдаланушылармен, Қазақстан мен басқа мемлекеттердің ғылыми-зерттеу институттарымен ынтымақтастық орнату көзделген.
Орталық Индустрия және жаңа технологиялар министрлігінің және «ҚР Минералдық шикізатты кешенді қайта өңдеу жөніндегі ұлттық орталық» республикалық мемлекеттік кәсіпорнының қолдауымен құрылды.
ЭҮК ғимараты Өскемен қаласының Солтүстік өнеркәсіптік аймағында, бұрынғы қазандық ғимаратында орналасқан. Биыл басталған қайта құру жұмыстары 2013 жылы аяқталады.
Дереккөз: www.zakon.kz
Басқа жаңалықтар
ИРН AP23485523 «Разработка технологии получения сподуменового концентрата и карбоната лития из руд пегматитовых литиевых месторождений»
ИРН AP23485697 «Инженерлік геофизикалық әдістер арқылы опырылғыш массивтердің тұрақтылығын бағалау әдістемесін әзірлеу»
ИРН AP23489340 «Разработка технологии комплексной переработки ванадийсодержащих кварцитов Каратау с получением ферросплавов»
ИРН AP23487029 «Басқарылатын колонна типтес аппараттарда мыс өндірісінің қорытпаларынан рений мен осмийді алу инновациялық технологиясын әзірлеу»
ИРН AP23489513 «Сульфат пен фосфор қоспалары минималды мөлшерде болатын ванадий бесқышқылын алу технологиясын оңтайландыру», 2025
